నరాల్లో నిప్పు
August 25, 2017
ఉసూరంటు కూర్చుంటే
వచ్చేదేముంటుంది
వృద్ధాప్యం తప్ప;
ఇంకొంచెం ఆగితే
ఒరిగేదేముంటుంది
మరణం తప్ప;
నివురుగప్పిన నిప్పుని
ఉఫ్ అని ఊది పలకరిస్తే
జ్వాలగా తల ఎత్తి
రవ్వలు విదిలిస్తుంది;
మనిషి నరాల్లోనూ నిప్పుంటుంది;
గుండె కొలిమిని మండించి
మనసు ఉఫ్ అని ఊదితే చాలు-
నిప్పు రాజుకుంటుంది;
తానే రాజునంటుంది.
ఇక అంతే-
నిరాశ, నిట్టూర్పు
నిస్తేజం, నిర్వేదం
అన్నింటినీ
ఖడ్గంతో ఖండిస్తుంది.
ఉత్సాహమనే కోట కట్టుకుని
ఉల్లాసమనే సింహాసనం ఎక్కి
ఆనందమనే మీసాన్ని మెలేస్తూ
జీవనసామ్రాజ్యాన్ని ఏలేస్తుంది.
-సిరాశ్రీ
