జెడ్డా: సౌదీ అరేబియాకి సంబంధించిన సమాచారాన్ని బ్రాడ్‌కాస్ట్‌ చేసేందుకోసం కొత్త కమ్యూనికేషన్‌ సెంటర్‌ని ఏర్పాటు చేశారు. ఈ కొత్త ఇంటర్నేషనల్‌ కమ్యూనికేషన్‌ సెంటర్‌ ముఖ్య ఉద్దేశ్యం, అంతర్జాతీయ మీడియాతో సంబంధాలు పెంపొందించుకోవడమేనని మినిస్ట్రీ ఆఫ్‌ కల్చర్‌ అండ్‌ ఇన్ఫర్మేషన్‌ వెల్లడించింది. ఇంగ్లీషు, ఫ్రెంచ్‌, జర్మన్‌ భాషల్లో ట్విట్టర్‌ అక్కౌంట్‌ ద్వారా ఈ కమ్యూనికేషన్‌ సెంటర్‌ తన కార్యకలాపాల్ని నిర్వర్తిస్తుంది. పలు కార్యక్రమాలు, హ్యుమానిటేరియన్‌ యాక్షన్స్‌, సౌదీ అరేబియా అందిస్తున్న సర్వీసెస్‌ వంటి వివరాల్ని ఈ సెంటర్‌ ద్వారా తెలియజేస్తారు. మొబైల్‌ ఫోన్‌, ఇ-మెయిల్‌, ట్విట్టర్‌ అకౌంట్‌ ద్వారా ఈ సెంటర్‌ని సందర్శించడానికి అవకాశం ఉంది.