బీహార్‌లో వరదలు ముంచెత్తిన కారణంగా ప్రజలు తీప్ర ఇబ్బందులు ఎదుర్కొంటున్నారు. ఈ నేపథ్యంలో వారికి
సహాయపడాలనే దృక్పదంతో బాలీవుడ్‌ మిస్టర్‌ పర్‌ఫెక్ట్‌ అమీర్‌ఖాన్‌ ముందుకొచ్చారు. ఆయన బీహార్‌ ప్రజలకు రూ.25లక్షలు ముఖ్యమంత్రి సహాయనిధికి అందించారు. ఇటీవల గుజరాత్‌, అసోం రాష్ట్రాల్లో వరద బాధితులకు కూడా రూ. 25 లక్షలు సహాయం చేశారు. గతంలో అమీర్‌ వరద బాధితులకు సహాయం చేయాలని అభిమానులను కోరుతూ ట్విట్టర్‌లో సందేశం పంపిన సంగతి అందరికి తెలిసిన విషయమే.