కడపను ప్రత్యేక రాష్ట్రం చేస్తే తప్ప జగన్‌ ముఖ్యమంత్రి కావడం కష్టమని వైకాపా నాయకులే నవ్వుకుంటున్నారని మంత్రి కొల్లు రవీంద్ర ఎద్దేవా చేశారు. విజయవాడ నగర తెదేపా కార్యాలయంలో ఆయన మీడియాతో మాట్లాడారు. నంద్యాల ఫలితమే రేపు కాకినాడలో పునరావృతం కాబోతోందన్నారు. ఎమ్మెల్యేలను రాజీనామా చేయించి గెలిపించుకోవాలని సవాల్‌ విసురుతున్న జగన్‌.. ముందు పులివెందులలో రాజీనామా చేసి గెలవాలని చెప్పారు. నంద్యాలలో కోట్లు ఖర్చు చేసిందీ.. పోలీసులకు దొరికిందీ ఎవరో ప్రజలకు తెలుసన్నారు.
డేరాబాబా గతే జగన్‌ బాబాకు త్వరలో పట్టబోతోందని చెప్పారు. రోజా గురించి ఎంత తక్కువ మాట్లాడుకుంటే ప్రజలకు అంత మంచిందన్నారు. వెనకబడిన తరగతులకు వివాహం కోసం రూ.25వేల ఆర్థిక సాయం చేయాలని ముఖ్యమంత్రి నిర్ణయం తీసుకోవడంపై మంత్రి హర్షం వ్యక్తంచేశారు.