రీసెంట్‌గా రిలీజ్ అయిన 'నక్షత్రం', 'జయ జానకి నాయక' సినిమాల్లో నటించి మంచి మార్కులు కొట్టేసిన ప్రగ్యా జైస్వాల్‌కి మెగాస్టార్ చిరంజీవి చారిత్రాత్మక చిత్రం 'సైరా'లో ఆఫర్ వచ్చిందనేది లేటెస్ట్ న్యూస్. కొణిదెల బ్యానర్ మీద రాంచరణ్ నిర్మిస్తున్న ఈ మూవీలో చిరుకి జోడీగా ఇప్పటికే నయనతారని ఫిక్స్ చేసేశారు. కానీ స్టోరీ ప్రకారం మూవీలో ముగ్గురు హీరోయిన్లు వుంటారనే టాక్ వినిపిస్తోంది.
ఆ ముగ్గురు హీరోయిన్లలో ప్రగ్యాని ఓ హీరోయిన్‌గా ఫైనల్ చేశారని వార్తలొస్తున్నాయి. అదే నిజమైతే ప్రగ్యాకి బంపర్ ఆఫర్ తగిలినట్టే! అసలు ప్రగ్యా టాలీవుడ్‌లో ఎంట్రీ ఇచ్చిందే మెగా ఫ్యామిలీ హీరో వరుణ్ తేజ్ 'కంచె' మూవీతో. అది కూడా పిరియాడికల్ మూవీ కావడం.. ఆ మూవీలో ప్రగ్యా లుక్స్ బాగుండడంతో.. ఇప్పుడు 'సైరా'లో ఆఫర్ వచ్చిందంటున్నారు. ఐతే..ఈ విషయంలో ఇంకా క్లారిటీ రావాల్సి వుంది.