ఒమాన్:వాడి అల్‌ అర్బీయీమ్‌లో ఓ వ్యక్తి నీట మునిగి ప్రాణాలు కోల్పోయినట్లు పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ వర్గాలు వెల్లడించాయి. సమాచారం అందుకోగానే, రెస్క్యూ సిబ్బంది రంగంలోకి దిగారనీ, అయితే అప్పటికే నీట మునిగిన వ్యక్తి చనిపోయారని, అతని మృతదేహాన్ని వెలికితీయడం జరిగిందని పిఎసిడిఎ ట్విట్టర్‌ ద్వారా వెల్లడించింది. గత నెలలో ముగ్గురు నివాసితులు ఇలాగే నీట మునిగి ప్రాణాలు కోల్పోయారు. తొమ్మిదేళ్ళ చిన్నారి సలాలాలో ప్రాణాలు కోల్పోగా, ఇద్దరు అన్నదమ్ములు సోహార్‌లో ప్రాణాల్ని కోల్పోవడం జరిగింది.