షార్జాలోని కల్బా సిటీలో అన్ని రోడ్లకీ కొత్త స్పీడ్‌ లిమిట్‌ ప్రకటించారు అధికారులు. ఈ స్పీడ్‌ లిమిట్‌ని గంటకు 80 కిలోమీటర్లుగా గుర్తించారు. దీంతోపాటుగా గ్రేస్‌ స్పీడ్‌ మరో 20 కిలోమీటర్లు (యూఏఈ పరిమితులకు లోబడి). అన్ని రోడ్లపైనా రాడార్లు, ఈ 100 కిలోమీటర్ల స్పీడ్‌ దాటితే వాహనదారుల్ని గుర్తిస్తాయి. వాడి అల్‌ హెలు సహా పలు ముఖ్యమైన రోడ్లపై ఈ స్పీడ్‌ లిమిట్‌ని అమలు చేస్తున్నట్లు ట్రాఫిక్‌ అండ్‌ పెట్రోల్స్‌ డైరెక్టర్‌ (ఈస్టర్న్‌ రీజియన్‌ పోలీస్‌ స్టేషన్‌) లెఫ్టినెంట్‌ కల్నల్‌ అబ్దుల్లా అల్‌ యమాహి చెప్పారు. రోడ్‌ సేఫ్టీకి సంబంధించి కట్టుదిట్టమైన చర్యలు చేపడుతున్నామని, వాహనదారులు సైతం ఈ విషయంలో అత్యంత అప్రమత్తంగా, బాధ్యతాయుతంగా ఉండాలని చెప్పారు. తాము చేపడుతున్న చర్యల కారణంగా రోడ్డు ప్రమాదాలు గణనీయంగా తగ్గుతున్నట్లు ఆయన వివరించారు.