మానామా:  నాలుకా...వీపునకు దెబ్బలు తీసుకురాకు అని మన తెలుగులో చక్కని సామెత ఉంది..అది తెలియని ఓ మతబోథకుడు నోరు ఇలా జారేడు.. " ఆడవారు సరిగా ఆలోచించలేరు....  స్త్రీల బుర్రలో సగం మెదడు ఉంటుందని " పైత్యం తలకెక్కిన ఓ ఇమామ్ మహిళలపై నోరు పారేసుకుని ఫలితంగా తన జీవనాధారాన్ని చేచేతులారా పోగొట్టుకున్నాడు. వివరాలలోకి వెళితే ఓ మతబోథకుడు ఇటీవల స్త్రీలను కించపరుస్తూ ఎగతాళిగా మాట్లాడాడు. ‘మహిళలకు కేవలం సగం మెదడు మాత్రమే ఉంటుంది. . సగం మెదడు ఉండే వీరిని షాపింగ్‌కు తీసుకుపోతే మరో 25 శాతం కూడా తగ్గిపోతుంది’ అని సాద్ అల్ హజారీ అనే ఓ ఇమామ్  వ్యాఖ్యానించాడు. ఈ వ్యాఖ్యలు సోషల్ మీడియాలో దుమారం రేపాయి. మహిళలను తీవ్రంగా అవమానించేలా ఈ వ్యాఖ్యలు ఉన్నాయని మహిళలు, నెటీజన్లు ఆగ్రహం వ్యక్తం చేశారు. ఈ ఘటనపై స్పందించిన సౌదీ యువరాజు ఫైసల్ బిన్ ఖలీద్ బిన్ అబ్ధుల్ అజీజ్ మతప్రబోధకుడని తొలగించారు. ఇకపై ఆ ఇమామ్  ఎలాంటి మతప్రబోధనలు చేయకూడదంటూ ఆదేశించారు.