పది శాతం అదనపు పన్నుపై 'నడిగర్‌' ఆగ్రహం 
వస్తు, సేవల పన్ను అమల్లోకి వచ్చాక సినిమాలపై 28 శాతం జీఎస్టీ విధించడంతో తమిళనాడులో గతంలో అల్లర్లు చోటుచేసుకున్నాయి. తమిళనాడులోని థియేటర్లన్నీ మూసేసి ధర్నా నిర్వహించారు. ఆ తర్వాత ఈ గొడవ సద్దుమణిగింది. ఇప్పుడు అదనంగా పది శాతం పన్ను పెంచడంతో మళ్లీ థియేటర్లకు అల్లర్ల సెగ మొదలైంది.
పన్ను ఎత్తివేయాలంటూ తమిళ సినీ నిర్మాతల సంఘం నిరసన వ్యక్తం చేస్తోంది. ఈ శుక్రవారం నుంచి థియేటర్లు మూసివేయాలని పిలుపునిచ్చింది. అదనపు పది శాతం పన్ను ఎత్తివేయకపోతే మున్ముందు ఎలాంటి తమిళ సినిమాలు విడుదల కానివ్వమని సంఘం హెచ్చరించింది.