దుబాయ్‌ క్రౌన్‌ ప్రిన్స్‌, ఎగ్జిక్యూటివ్‌ కౌన్సిల్‌ ఛైర్మన్‌ షేక్‌ హమదాన్‌ బిన్‌ మొహమ్మద్‌ బిన్‌ రషీద్‌ అల్‌ మక్తౌమ్‌, కొందరు వ్యక్తుల్ని ఎంపిక చేసి, వారికి ఫిట్‌నెస్‌ ఛాలెంజ్‌ మెసేజ్‌ని పంపించడం జరిగింది. 30 రోజులు, రోజుకి 30 నిమిషాలుఏ ఫిట్‌నెస్‌ కోసం సమయం కేటాయించాలన్నది ఈ ఫిట్‌నెస్‌ ఛాలెంజ్‌ ముఖ్య ఉద్దేశ్యం. 'దుబాయ్‌ ఫిట్‌నెస్‌ ఛాలెంజ్‌' పేరుతో ఈ ఛాలెంజ్‌ని షేక్‌ హమదాన్‌ విసరడం జరిగింది. షేక్‌ హమదాన్‌ నుంచి మెసేజ్‌లు అందుకున్నవారంతా సోషల్‌ మీడియాలో సంబరాలు చేసుకుంటున్నారు. తాము ఈ ఛాలెంజ్‌ని స్వీకరించామనీ, ఇలాంటి కార్యక్రమాలు ప్రజల్లో ఉత్సాహం పెంచుతాయని, ఫిట్‌నెస్‌ పట్ల అవగాహనకు ఇది చాలా మంచి మార్గమని వారంతా అంటున్నారు. వివిధ సంస్థలు, కార్యాలయాలు కూడా క్రౌన్‌ ప్రిన్స్‌ నుంచి మెసేజ్‌లు అందుకున్నాయి.