బాంబు పేలడం వల్ల ఈజిప్టులో రష్యా విమానం నేలకూలినట్లు ఇంటెలిజెన్స్ వర్గాలు భావిస్తున్నాయి. సినాయ్‌లో జరిగిన దుర్ఘటనలో 224 మంది ప్రయాణికులు మరణించారు. ప్లేన్‌లో బాంబు పేలడం వల్లే విమానం ముక్కలైనట్లు అమెరికా, బ్రిటన్‌కు చెందిన అధికారులు అంచనా వేస్తున్నారు. షర్మ్-ఎల్-షేక్‌కు వెళ్లే విమానాలను బ్రిటన్ రద్దు చేసింది. ఇస్లామిక్ స్టేట్ ఉగ్రవాద సంస్థకు చెందిన వ్యక్తులే ఆ బాంబును ప్లేన్‌లో అమర్చినట్లు అమెరికా అధికారులు భావిస్తున్నారు. బాంబును విమానంలోకి తీసుకెళ్లేందుకు పోయిర్‌పోర్ట్‌లో ఎవరో ఒకరు సహకరించి ఉంటారని అనుమానాలు వ్యక్తం అవుతున్నాయి.