దేశవ్యాప్తంగా టైపింగ్‌ సెంటర్స్‌లో దుబాయ్‌ వీసా అప్లికేషన్ల ప్రాసెసింగ్‌ని నిలిపివేశారు. డాక్యుమెంట్లు మిస్‌ అవుతుండడం, తప్పుడు సమాచారాన్ని నింపుతుండడం వంటి కారణాలతో ఈ చర్యలు తీసుకున్నట్లు ఉన్నతాధికారి ఒకరు వెల్లడించారు. నవంబర్‌ 1 నాటికి మొత్తం 261 సర్వీస్‌ సెంటర్స్‌ని దుబాయ్‌లోనూ, షార్జా మరియు నార్త్‌ ఎమిరేట్స్‌ పరిధిలో 72 సెంటర్స్‌ని మూసివేశారు. రెసిడెంట్స్‌ ఈ సర్వీసులను అల్‌ ముహైసినాలోని రెండు సెంటర్లు, దుబాయ్‌ మునిసిపాలిటీలోని అల్‌ కిఫాఫ్‌ సెంటర్‌ (4), మరో 45 తస్‌హీల్‌ సెంటర్స్‌లలో పొందడానికి వీలుంది. ఎమెర్‌ సెంటర్స్‌లో మెరుగైన సేవలు, అత్యంత ఖచ్చితత్వంతోనూ, వేగంతోనూ అందుతాయని మేజర్‌ జనరల్‌ అల్‌ మర్రి (డైరెక్టర్‌ జనరల్‌, జనరల్‌ డైరెక్టరేట్‌ ఆఫ్‌ రెసిడెన్సీ మరియు ఫారిన్‌ ఎఫైర్స్‌ - దుబాయ్‌) చెప్పారు.