దుబాయ్‌ ఫిట్‌నెస్‌ ఛాలెంజ్‌, డిఎఫ్‌సి - బుర్జ్‌ పార్క్‌ని ఔట్‌ డోర్‌ జిమ్‌గా ఈ వారంతంలో మార్చేయడానికి రంగం సిద్ధం చేసింది. మూడు మొబైల్‌ ఫిట్‌నెస్‌ యూనిట్స్‌, దుబాయ్‌ రెసిడెంట్స్‌ అలాగే విజిటర్స్‌ కోసం ఏర్పాటు చేస్తున్నారు. రోవింగ్‌ మెషీన్స్‌, క్రాస్‌ ఫిట్‌ ట్రెయినర్స్‌, వెయిట్‌ ఎక్విప్‌మెంట్‌ వంటివి ఇక్కడ ప్రధాన ఆకర్షణలు కానున్నాయి. ఎక్స్‌ట్రా థర్స్‌డే పేరుతో బుర్జ్‌ పార్క్‌లో కేవలం మహిళలకు అవకాశం కల్పిస్తున్నారు. ఉదయం 8 గంటల నుంచి 11 గంటల వరకు అలాగే సాయంత్రం 5 నుంచి రాత్రి 10 గంటల వరకు ఇది అందుబాటులో ఉంటుంది. అన్ని వయసులవారికీ ఫిట్‌నెస్‌ చాలా ముఖ్యం. ఈ నేపథ్యంలోనే అన్ని వయసులవారినీ ఎంకరేజ్‌ చేసేలా దుబాయ్‌ ఫిట్‌నెస్‌ ఛాలెంజ్‌ ప్రత్యేకమైన జాగ్రత్తలు తీసుకుంది.20 అక్టోబర్‌ నుంచి 18 నవంబర్‌ వరకు 30 రోజులపాటు దుబాయ్‌ ఫిట్‌నెస్‌ ఛాలెంజ్‌ ప్రత్యేక అవగాహనా కార్యక్రమాలు చేపడుతోంది. రోజూ 30 నిమిషాల వ్యాయామం సంపూర్ణ ఆరోగం కోసం తప్పనిసరని నిపుణులు చెబుతున్నారు.