మస్కట్‌: ఒమన్‌ మహిళకు, భారతదేశంలోని కేరళలో గల ఓ ఆసుపత్రిలో అరుదైన శస్త్ర చికిత్స జరిగింది. స్టార్‌ కేర్‌ హాస్పిటల్‌లో జరిగిన ఈ సర్జరీలో, మహిళ యుటెరస్‌ నుంచి 191 ట్యూమర్స్‌ని విజయవంతంగా వైద్యులు తొలగించారు. ఇది గిన్నీస్‌ బుక్‌ వరల్డ్‌ రికార్డ్స్‌ కోసం కూడా పంపినట్లు అధికారులు తెలిపారు. ఈజిప్ట్‌లో ఓ పేషెంట్‌ నుంచి 186 ట్యూమర్స్‌ తొలగించడం ఇప్పటిదాకా రికార్డ్‌గా ఉందని డాక్టర్‌ అబ్దుల్‌ రషీద్‌ పేర్కొన్నారు. కీహోల్‌ సర్జరీ టెక్నిక్స్‌, కన్వెన్షనల్‌ విధానంలో ఈ సర్జరీ నిర్వహించారు. ఇండియాలో అయితే ఇప్పటిదాకా అత్యధికంగా 84 ట్యూమర్స్‌ మాత్రమే తొలగించారు. దాంతో తాజాగా జరిగిన సర్జరీ చాలా ప్రత్యేకమైనది. రెండ్రోజుల్లో మహిళను ఆసుపత్రి నుంచి డిశ్చార్జ్‌ చేస్తామని వైద్యులు తెలిపారు. స్టార్‌ కేర్‌, ఒమన్‌లోనూ రెండు ఆసుపత్రుల్ని నిర్వహిస్తోంది.