రామ్ గోపాల్ వర్మ-నాగార్జున కాంబోలో మూవీ షూటింగ్ నేడు అన్నపూర్ణ స్టూడియోలో ప్రారంభమైంది. షూటింగ్ అనంతరం నాగ్‌ని ఉద్దేశించి.. "రాజుగారి గది-2, సోగ్గాడే చిన్నినాయన ఇలా ఎక్కడా పొంతనలేని కథల్ని ఎంచుకుంటూ సూపర్ సక్సెస్‌తో దూసుకుపోతున్నారు.. మరి ఈ సినిమా పట్ల మేమేమి ఎక్స్‌పెక్ట్ చేయాలి?" అని యాంకర్ ప్రశ్నించింది. ఈ ప్రశ్నకు సమాధానంగా నాగార్జున "నాకు మైండ్ దొబ్బలేదు.. నా మైండ్ బాగానే ఉంది. షూటింగ్‌కి వెళ్లాలి.. పని చేయాలి.. అనే ఎగ్సైట్‌మెంట్‌తో ఇవాళ పొద్దున్నే 4గంటలకే లేచాను. రోజూ ఇలాగే ఉంటే ఎంత బాగుంటుంది అనిపించింది. సినిమా హిట్ అవుతుందా? లేదా? అనేది శివ అప్పుడూ అనుకోలేదు. ఇప్పుడూ అనుకోను. వర్మ నేనూ ఇద్దరం ఒకరిపై ఒకరు గట్టి నమ్మకంతో పని చేస్తున్నాం." అన్నారు నాగార్జున.