అమరావతి : 2018 డీఎస్సీ నోటిఫికేషన్‌ను మంత్రి గంటా శ్రీనివాస్ బుధవారం ప్రకటనను జారీ చేశారు. వచ్చే విద్యాసంవత్సరానికి ఉపాధ్యాయ పోస్టుల భర్తీకి సిద్ధంగా ఉన్నామన్నారు. డిసెంబరు 26 నుంచి ఫిబ్రవరి 2 వరకూ ఆన్‌లైన్‌లో దరఖాస్తులు చేసుకోవచ్చన్నారు. మొత్తం 12, 370 పోస్టులకు నియామకాలు జరుగుతాయన్నారు. ఈమేరకు మంత్రి గంటా మీడియాతో మాట్లాడుతూ.. ఏపిని ఎడ్యుకేషన్ హబ్‌గా మార్చడమే సర్కారు యొక్క లక్ష్యమన్నారు. మ్యానిఫెస్టోలో పెట్టినట్టుగానే ఉద్యోగాలపై హామీని ప్రభుత్వం నిలబెట్టుకుంటోందని మంత్రి తెలిపారు.