యెమెన్‌ మాజీ అధ్యక్షుడు అలి అబ్దుల్లా సలెహ్‌ దారుణ హత్యకు గురయ్యారు. హౌతీ మిలిటెంట్ల చేతిలో సలెహ్‌ హత్య జరిగినట్లు ప్రముఖ వార్తా సంస్థలు ధృవీకరించాయి. ఈ మేరకు వీడియో ఫుటేజీలు దర్శనమిస్తున్నాయి. అల్‌ హౌదీ మూకలు, సలెహ్‌ మృతదేహంతో ఆ వీడియోల్లో కనిపించడం సంచలనంగా మారింది. ఆ వీడియోల్లో కనిపించిన వివరాల ప్రకారం సలెహ్‌ తల వెనుక భాగం ఛిద్రమైంది. జనరల్‌ పీపుల్స్‌ కాంగ్రెస్‌ వర్గాలు చెప్పిన ప్రకారం స్నైపర్స్‌ సహాయంతో వెనుక నుంచి సలెహ్‌ని కాల్చి చంపినట్లు తెలియవస్తోంది. అత్యంత హేయంగా మృతదేహంతో వ్యవహరించారని హౌతీ తీవ్రవాదులపై జనరల్‌ పీపుల్స్‌ కాంగ్రెస్‌ ఆరోపించింది. సనాలోని సలెహ్‌ హౌస్‌ని బాంబులతో ధ్వంసం చేసిన అనంతరం హౌతీలు ఈ హత్యకు పాల్పడ్డారు.