'ఎవరేమన్నా నాకు మాత్రం రాజమౌళి మాటే శాసనం' అంటున్నారు ఏపీ సీఎం చంద్రబాబు. అమరావతిలో నిర్మించతలపెట్టిన అసెంబ్లీ, హైకోర్టు శాశ్వత భవనాల నమూనాలు.. రాజమౌళి నిర్ణయం కోసం వెయిటింగ్ లో వున్నాయి. టాలీవుడ్ జక్కన్న ఇప్పటికే ఓటేసి ఓకే చేసిన డిజైన్ల మీద ప్రజాభిప్రాయ సేకరణ కూడా జరిగింది. ఈ క్రమంలో రాజమౌళి బుధవారం ఏపీ సెక్రటేరియట్ కి వచ్చి.. చంద్రబాబుతోను, సీఆర్డీఏ అధికారులతోనూ భేటీ అయ్యారు. ఇప్పటికే ఈ అంశంపై రెండుమూడు సార్లు సమావేశమైనప్పటికీ.. ఇవ్వాళ్టిది తుది భేటీగా చెబుతున్నారు. ఈరోజు సీఎం ఢిల్లీ వెళ్లనున్న నేపథ్యంలో.. ఈ డిజైన్ల విషయాన్ని కూడా ఫైనలైజ్ చేసి.. కేంద్రం వద్ద గ్రీన్ సిగ్నల్ తీసుకురావాలన్నది ప్లాన్. ఈ భేటీలో రాజమౌళితో పాటు మంత్రి నారాయణ, నార్మన్ ఫోస్టర్ ప్రతినిధులు కూడా పాల్గొన్నారు.