మనామా: ప్రముఖ నటి తమన్నా ఉమ్‌ అల్‌ హస్సామ్‌లో 39వ అల్‌ అదిల్‌ సూపర్‌ మార్కెట్‌ స్టోర్‌ని ప్రారంభించారు. 'మసాలా కింగ్‌'గా సుపరిచితుడైన డాక్టర్‌ ధనంజయ్‌ దతార్‌ ఈ షోరూం ప్రారంభోత్సవంలో మరో ప్రధాన ఆకర్షణగా నిలిచారు. కాపర్‌ చిమ్నీ రెస్టారెంట్‌గా ఏర్పాటయిన ఈ అల్‌ అదిల్‌ సూపర్‌ మార్కెట్‌ బహ్రెయిన్‌లో మూడవది. క్వాలిటీతో కూడిన ఫుడ్‌ స్టఫ్‌ అందించడం, అది కూడా అందరికీ అందుబాటులో ఉండే ధరతో అందించడం తమ ప్రత్యేకత అని డాక్టర్‌ ధనంజయ్‌ దతర్‌ చెప్పారు. అల్‌ అదిల్‌ ఎంటర్‌ప్రైజెస్‌ ఎదుగుతున్న తీరు పట్ల తమన్నా ప్రశంసలతో ముంచెత్తారు. అల్‌ అదిల్‌ కొత్త షోరూం ప్రారంభోత్సవం నేపథ్యంలో 200 ఐటమ్స్‌పై 50శాతం ఆఫర్‌ని అందిస్తున్నారు. బహ్రెయిన్‌లోని మనామాలో అల్‌ హమ్రా సినిమా యెదురుగా ఒకటి, యతీమ్‌ సెంటర్‌లో ఇంకొకటి అల్‌ అదిల్‌ సూపర్‌ మార్కెట్స్‌ ఇప్పటికే అందుబాటులో ఉన్నాయి.