పొగమంచు నేపథ్యంలో యూఏఈ ప్రభుత్వ ఉద్యోగులకు ఉదయం ఫింగర్‌ ప్రింట్‌ అటెండెన్స్‌ నుంచి కొంత ఊరట లభించింది. అటెండెంట్స్‌పై ఎవరూ కంగారు పడాల్సిన అవసరం లేదని ఉన్నతాధికారులు, ఉద్యోగులకు సూచించారు. వాతావరణ పరిస్థితులు బాగోనందున, పొగమంచు కారణంగా వేగంగా వాహనాలు నడిపితే ప్రమాదాలు చోటుచేసుకునే అవకాశం ఉంది. దేశవ్యాప్తంగా ఇవే పరిస్థితులు ఉండడంతో ఉద్యోగులకు హాజరు సమయం విషయంలో కొంత మినహాయింపునిచ్చారు. అబుదాబీ, దుబాయ్‌ తదితర ప్రాంతాల్లో వరుసగా మూడో రోజు కూడా పొగమంచు వాహనదారుల్ని బాగా ఇబ్బంది పెట్టింది. షవమాక్‌, అల్‌ షమాఖ్‌, అల్‌ రహబాహ్‌, అల్‌ సహామా మరియు అల్‌ అయిన్‌ ఎయిర్‌పోర్టు ప్రాంతాల్లోనూ పొగమంచు బాగా ఎక్కువగా కనిపించింది.