మస్కట్‌: ఇండియాకి చెందిన జెట్‌ ఎయిర్‌ వేస్‌, విమాన ప్రయాణీకులకు బంపర్‌ ఆఫర్‌ ప్రకటించింది. డిస్కౌంట్‌ ధరలకే టిక్కెట్లు లభ్యం కానున్నట్లు జెట్‌ ఎయిర్‌ వేస్‌ వెల్లడించింది. డిసెంబర్‌ 23 నుంచి జనవరి 2 వరకు బుక్‌ చేసుకున్న టిక్కెట్లపై 20 శాతం రాయితీని అందించనున్నారు. ఒమన్‌ నుంచి ఇండియాకి వెళ్ళే విమానాల్లోనూ అలాగే బ్యాంగ్‌కాక్‌, కొలంబో, ఢాకా, హాంగ్‌కాంగ్‌, ఖాట్మండు, సింగపూర్‌లకు కూడా ఈ డిస్కౌంట్‌ ఆఫర్‌ వర్తిస్తుంది. లిమిటెడ్‌ పీరియడ్‌ సేల్‌ ఆఫర్‌లో ఫస్ట్‌ కమ్‌ ఫస్ట్‌ సర్వ్‌ బేసిస్‌లో టిక్కెట్ల అమ్మకాలు జరుగుతాయి. టిక్కెట్లు పొందినవారు జనవరి 15 నుంచి ప్రయాణాలు చేసేందుకు వీలుంది. జెట్‌ ఎయిర్‌వేస్‌ వెబ్‌సైట్‌, మొబైల్‌ యాప్‌, ట్రావెల్‌ ఏజెంట్స్‌ ద్వారా రాయితీ టిక్కెట్లను పొందే అవకాశం ఉంది. ఈ అద్భుతమైన ఆఫర్‌ని విమాన ప్రయాణీకులు వినియోగించుకోవాలని జెట్‌ ఎయిర్‌ వేస్‌ ఒమన్‌ జనరల్‌ మేనేజర్‌ వాసిమ్‌ జైయిది చెప్పారు.