స్మార్ట్‌ఫోన్‌ వినియోగిస్తున్న వారందరికీ వాట్సాప్‌ గురించి ప్రత్యేకంగా పరిచయం చేయనక్కర్లేదు. అయితే, కొందరు స్మార్ట్‌ఫోన్‌ వినియోగదారులు మాత్రం 2017 సంవత్సరంతో పాటు, తమ వాట్సాప్‌నకు వీడ్కోలు పలకక తప్పదు. బ్లాక్‌బెర్రీ ఆపరేటింగ్‌ సిస్టమ్‌, బ్లాక్‌బెర్రీ 10, విండోస్‌ 8.0 అంతకన్నా తక్కువ ఆపరేటింగ్‌ సిస్టమ్‌తో పనిచేసే ఫోన్లలో డిసెంబరు 31 తర్వాత వాట్సాప్‌ పనిచేయదు. ఈ ఓఎస్‌లతో పనిచేసే ఫోన్లలో వాట్సాప్‌ సేవలు నిలిచిపోతాయని సంస్థ పేర్కొంది.
ఈ రెండు ఓఎస్‌లకు ఈ ఏడాది జూన్‌తోనే సేవలు నిలిచిపోవాల్సి ఉండగా, వాట్సాప్‌ దాన్ని డిసెంబరు 31 2017 వరకూ పొడిగించింది. మరోవైపు నోకియా ఎస్‌40 ఫ్లాట్‌ఫాంపై నడిచే మొబైల్‌ ఫోన్లకు 2018 డిసెంబరు 31 వరకూ వాట్సాప్‌ సేవలు లభిస్తాయి. ఇక ఆండ్రాయిడ్‌ 2.3.7 అంతకన్నా పాత (జింజర్‌బ్రెడ్‌) ఓఎస్‌లతో నడిచే ఫోన్లలో వినియోగదారులు 2020 ఫిబ్రవరి 1 వరకూ వాట్సాప్‌ను వినియోగించుకోవచ్చు. 2017 జూన్‌ 30తో సింబియన్‌ ఎస్‌60 మొబైళ్లలో వాట్సాప్‌ సేవలు నిలిచిపోయిన సంగతి తెలిసిందే.