అమెరికాలోని బే ఏరియాలో టచ్ ఏ లైఫ్ ఫౌండేషన్ అనాధ పిల్లలకోసం ఫండ్ రైజింగ్ కార్యక్రమం చేపట్టింది.  క్యూపర్టినో లోని క్విన్ లాన్ కమ్యూనిటీ హాల్లో నిర్వహించిన నిధుల సేకరణకు ఎన్నారైల నుంచి మంచి స్పందన వచ్చింది.  ఈ సందర్భంగా  చిన్నారులు మ్యూజిక్, డ్యాన్స్ చేసి అందరిని ఆకట్టుకున్నారు.  దీనిలో భాగంగా ఫోటోగ్రఫీ వేలం నిర్వహించారు. ఇందులో పాల్గొన్న పలువురు.. నిరాశ్రయులైన విద్యార్ధులను ఆదుకునేందుకు తమవంతు సహాయం అందించారు. ఫండ్ రైజింగ్ ద్వారా వచ్చిన నిధులతో అనాధ పిల్లలకు చదువు, సంగీతం, ఫోటోగ్రఫీ నేర్పిస్తామని టచ్ ఏ లైఫ్ ఫౌండేషన్ వ్యవస్థాపకులు తేజ్ గుండెవెల్లి తెలిపారు. ఈ కార్యక్రమానికి యుసి బర్కిలీ తోపాటు పలు సంస్థలు సహాకరించాయని నిర్వాహకులు వివరించారు.