జనవరి 1 నుంచి యూఏఈ 5 శాతం వ్యాట్‌ని అమల్లోకి తెచ్చింది. పార్కులు, సినిమాలు, వాటర్‌ పార్క్స్‌ వంటి వాటికి కూడా ఈ 5 శాతం వ్యాట్‌ వర్తిస్తుంది. అయితే గ్లోబల్‌ విలేజ్‌ మాత్రం ఆ ఐదు శాతం ట్యాక్స్‌ని అబ్జార్బ్‌ చేస్తూనే, ఇదివరకటి ధరలకే అంటే 15 దిర్హామ్‌లకే ఒక్కో విజిటర్‌కీ ఎంట్రీ ఇవ్వనున్నట్లు ప్రకటించింది. అయితే రైడ్స్‌, ఇతర కొనుగోళ్ళకు మాత్రం ఐదు శాతం వ్యాట్‌ తప్పనిసరి. యూఏఈకి చెందిన పలు కంపెనీలు కొత్త ట్యాక్స్‌ని అబ్జార్బ్‌ చేస్తూ వినియోగదారుల్ని ఎట్రాక్ట్‌ చేసేందుకు ప్రయత్నిస్తున్నాయి. 2017-18 ఎడిషన్‌ గ్లోబల్‌ విలేజ్‌ 21వ సీజన్‌ కావడంతో అత్యంత ప్రతిష్టాత్మకంగా నిర్వహిస్తున్నారు. 27 పెవిలియన్స్‌లో 75 దేశాలకు చెందిన సంస్కృతీ సంప్రదాయాలు ప్రతిబింబించేలా ఎన్నో ఆకర్షణలున్నాయి. గత ఏడాది గ్లోబల్‌ విలేజ్‌ 5.9 మిలియన్‌ మందిని 159 రోజుల్లో ఎట్రాక్ట్‌ చేసింది. ఈ కారణంగా 2.3 బిలియన్‌ బిజినెస్‌ లావాదేఈలు జరిగాయి. ఈ గ్లోబల్‌ విలేజ్‌లోకి 3 ఏళ్ళ లోపు చిన్నారులకు, అలాగే వృద్ధులు మరియు పీపుల్‌ ఆఫ్‌ డిటర్మేషన్‌కి ఉచిత ప్రవేశం.