రామ్‌చరణ్ తన నెక్ట్స్ ప్రాజెక్ట్ కోసం టోటల్‌గా గెటప్‌ని మార్చేస్తున్నాడు. రంగస్థలంలో పల్లెటూరి చిట్టిబాబుగా కనిపించగా, బోయపాటి శ్రీను సినిమా కోసం డిఫరెంట్ గెటప్‌లోకి మారనున్నాడు. చరణ్‌ మేకోవర్‌ అభిమానులకు నచ్చే విధంగా ఉండనుంది. రామ్‌చరణ్‌- కైరాఅద్వానీ జంటగా బోయపాటి శ్రీను డైరెక్షన్‌లో ఓ చిత్రం తెరకెక్కుతోంది. ఇటీవలే హైదరాబాద్‌ లో షూట్ ప్రారంభమైంది. నటి స్నేహా తదితరులపై ఫ్యామిలీ నేపథ్యంలో సాగే సన్నివేశాల్ని తెరకెక్కించాడు.

కేవలం పది రోజుల్లో ఫస్ట్ షెడ్యూల్‌ ఫినిష్ చేశాడు బోయపాటి. వచ్చేనెల నుంచి రామోజీ ఫిల్మ్‌సిటీలో సెకండ్ షెడ్యూల్ మొదలుకానుంది. 19 నుంచి సెట్స్‌కి హాజరుకానున్నాడు చెర్రీ. కంటిన్యూ మూడునెలలపాటు ఆ ప్రాజెక్ట్ పనిలోనే బిజీ కానున్నాడు. ఇందులో ప్రశాంత్‌, వివేక్‌ ఒబెరాయ్‌ కీలక పాత్రలు పోషిస్తున్న ఈ చిత్రాన్ని జులైలో రిలీజ్ చేయాలన్నది మేకర్స్ థాట్.