హైదరాబాద్‌: సినీనటుడు సామ్రాట్‌రెడ్డిని పోలీసులు అదుపులోకి తీసుకున్నారు. గతరాత్రి సామ్రాట్‌ను అరెస్ట్ చేసిన మాదాపూర్ పోలీసులు అతడిపై 498/Aసెక్షన్ కింద కేసు నమోదు చేశారు. కొన్నాళ్లుగా సామ్రాట్‌రెడ్డి, అతని భార్య స్వాతిరెడ్డి మధ్య గొడవల కారణంగా పోలీసులు కేసు నమోదు చేశారు. తన భర్త సామ్రాట్‌రెడ్డి...తమ ఇంట్లోనే దొంగతనం చేశాడంటూ స్వాతిరెడ్డి ఫిర్యాదులో పేర్కొన్నట్లు తెలుస్తోంది. సామ్రాట్‌రెడ్డి పంచాక్షరి, తకిట తకిట సినిమాల్లో నటించారు.