ఎలక్ట్రానిక్‌ సిటీ, న్యూస్‌టుడే : ప్రతినాయకుడుగా తనకుతానే సాటి అని నిరూపించుకున్నాడు ప్రముఖ నటుడు చరణ్‌రాజ్‌! ఆయన త్వరలోనే దర్శకుడుగా మారనున్నారు. వివిధ భాషల్లో నటించినప్పటికీ దర్శకత్వం చేయాలనే చిరకాల కోరిక నెరవేరే కాలం సమీపించింది. ఏప్రిల్‌ చివరి వారంలో రూపొందనున్న సినిమాకు తాను దర్శకత్వం వహించడంతో పాటు కొడుకు తేజను వెండితెరకు పరిచయం చేయనున్నట్లు వెల్లడించారు. హాస్యప్రధానంగా సినిమా రూపొందనుంది. థ్రిల్లింగ్‌గా కూడా ఉంటుందని చరణ్‌ తెలిపారు. నటీనటుల ఎంపిక కొనసాగుతోంది. త్వరలోనే పూర్తి వివరాలు వెల్లడికానున్నాయి.