యూఏఈ: ఫ్రెంచ్ రిటైల్ దిగ్గజం క్యారీఫోర్ తాజాగా కువైట్‌లో తన సేవలకు ముగింపు పలికింది.  ఈ మేరకు ఒక ప్రకటన విడుదల చేసింది. సెప్టెంబర్ 16 నుంచి కువైట్ లో కార్యాకలాపాలను ముగిస్తున్నామని, ఇన్నాళ్లు సహకరించిన కస్టమర్లకు కృతజ్ఞతలు తెలిపింది. 

క్యారీఫోర్ కు 40 దేశాల్లో 14 వేలకుపైగా స్టోర్స్ ఉన్నాయి. గల్ఫ్ దేశాలలో కూడా పెద్ద సంఖ్యలో స్టోర్స్ ను నిర్వహిస్తుంది.  ఫ్రాంచైజ్ హక్కులను పొందిన మాజిద్ అల్ ఫుట్టైమ్ ద్వారా 1995లో మధ్యప్రాచ్యానికి వచ్చింది క్యారీఫోర్.   

కొన్ని రోజుల క్రితం బహ్రెయిన్ లోనూ కార్యాకలాపాలను ముగించిన క్యారీఫోర్, జోర్డాన్‌లో తన స్టోర్‌లను నవంబర్ 2024 నుండి మూసివేసింది.  కాగా, ఇప్పుడు యూఏఈలో కూడా తన స్టోర్లను మూసివేసే అవకాశం ఉందన్న వార్తలు సోషల్ మీడియాలో హల్చల్ చేస్తున్నాయి. అయితే, యూఏలో ప్రాచుర్యం పొందిన సూపర్ మార్కెట్లలో ఒకటైన క్యారీఫోర్.. దీనిపై అధికారికంగా ఇప్పటివరకు  ఎలాంటి ప్రకటన చేయలేదు.