పశ్చిమ మెక్సికో దేశమైన జాలిస్కోలో ఈ ఘటన చోటు చేసుకుంది. రెండు నెలల వయసున్న పులి పిల్లను ఓ వ్యక్తి ప్లాస్టిక్ డబ్బాలో పెట్టి కొరియర్ చేశాడు. దానికి ఊపిరాడ్డం కోసం డబ్బాకి రంద్రాలు కూడా చేశాడు. అయితే కొరియర్ ఆఫీసుకు చేరుకున్న ఆ డబ్బా దగ్గరకి పోలీస్ జాగిలం చేరుకుని అక్కడే ఉండి అరుస్తోంది. అర్థం కాని సిబ్బంది డబ్బా ఓపెన్ చేసి చూశారు. అందులో ముడుచుకుని నీరసంగా పడి ఉన్న పులి పిల్లను చూశారు. వెంటనే వన్యప్రాణి సంరక్షణా అధికారులకు సమాచార మందించారు. పులిపిల్ల ఫొటోలను నెట్‌లో షేర్ చేశారు పోలీసులు. నెటిజన్స్ స్పందిస్తూ పులిపిల్లను కాపాడిన పోలీసులకు, జాగిలానికి ధన్యవాదాలు తెలుపుతున్నారు. అయితే ఆ డబ్బా ఎక్కడినుంచి వచ్చింది, ఎవరు పంపించారు అన్నదానిపై పోలీసులు విచారణ చేపట్టారు.