బాలీవుడ్ సూపర్ స్టార్ షారుఖ్ ఖాన్..సోమవారం ముంబైలో లెజెండరీ యాక్టర్ దిలీప్ కుమార్ ఇంటికి వెళ్లి ఆయనను పరామర్శించాడు. ఈ పిక్ ను షారుఖ్ కుటుంబ సభ్యుడొకరు ట్విటర్ లో పోస్ట్ చేశారు. ఆరు నెలల్లో షారుఖ్..దిలీప్ కుమార్ ఇంటికి వెళ్లి ఆయనను పరామర్శించి, ఆయన ఆరోగ్యం గురించి తెలుసుకోవడం ఇది రెండో సారి. షారుఖ్ తన సినిమాల్లో చాలావరకు దిలీప్ కుమార్ నటనను అనుకరిస్తాడన్న ప్రచారం ఉంది. పైగా ఆయన నటన తనను ప్రభావితం చేస్తుందని ఈ సూపర్ స్టార్ చాలా సందర్భాల్లో చెప్పాడు. లోగడ దిలీప్ అనారోగ్యంతో ముంబైలోని లీలావతి ఆసుపత్రిలో చేరి చికిత్స అనంతరం డిశ్చార్జ్ అయినప్పుడు కూడా షారుఖ్ ఆయన నివాసానికి వెళ్లి అయన హెల్త్ గురించి వాకబు చేశాడు. దిలీప్ కుమార్ తన 60 ఏళ్ళ సినీ ప్రస్థానంలో 65 కి పైగా మూవీల్లో నటించారు. ప్రస్తుతం ఆయన వయస్సు 95 ఏళ్ళు.