మస్కట్‌: మస్కట్‌ మునిసిపాలిటీ, పాత భవనాల్ని కూల్చివేయడం ప్రారంభించింది. వాడి అల్‌ బహాయెస్‌ ప్రాంతంలో ఈ కూల్చివేతలు జరుగుతున్నాయి. ప్రూఫ్‌ ఆఫ్‌ ఓనర్‌షిప్‌ గడువు పూర్తయిన భవనాలకు ఫిబ్రవరి 11 డెడ్‌లైన్‌ ముగియడంతో ఈ కూల్చివేతలు జరుగుతున్నట్లు అధికారులు తెలిపారు. గత వారం మునిసిపల్‌ అధికారులు, సీబ్‌లోనూ యజమానులకు తమ భవనాల కండిషన్‌పై స్పష్టమైన హెచ్చరికలు జారీ చేశారు. యజమానులకు ఫిబ్రవరి 11 లోపు సంబంధిత పత్రాలు సమర్పించాల్సిందిగా ఆదేశాలు జారీ చేసినప్పటికీ, ఆ ఆదేశాల్ని పట్టించుకోకపోవడంతో కూల్చివేతలు చేపట్టారు. మునిసిపాలిటీకి చెందిన లెజిస్లేటివ్‌ రపొసిడ్యూర్స్‌ ఆధారంగా కూల్చివేతల్ని రాయల్‌ ఒమన్‌ పోలీసులతో కలిసి చేపడుతున్నట్లు మునిసిపాలిటీ స్పష్టం చేసింది.