రియాద్‌: సౌదీ పబ్లిక్‌ ప్రాసిక్యూటర్స్‌ ఆఫీస్‌, తొలిసారిగా మహిళా ఇన్వెస్టిగేటర్స్‌ నియామకం చేపట్టన్నుట్లు వెల్లడించింది. లెఫ్టినెంట్‌ ఇన్వెస్టిగేటర్స్‌ పదవిలోకి కొత్తగా మహిళల్ని ఈ రిక్రూట్‌మెంట్‌ ద్వారా తీసుకోనున్నట్లు ఇన్ఫర్మేషన్‌ మినిస్ట్రీ ఓ ప్రకటనలో పేర్కొంది. క్రౌన్‌ ప్రిన్స్‌ మొహమ్మద్‌ బిన్‌ సల్మాన్‌ 'విజన్‌ 2030'లో భాగంగా ఈ చర్యలు చేపట్టారు. వర్క్‌ ఫోర్స్‌లో మూడో వంతు మహిళలు వుండేలా ఈ విజన్‌ని రూపొందించారు. సౌదీ అరేబియా పాస్‌పోర్ట్‌ డిపార్ట్‌మెంట్‌ ఇటీవలే 107,000 అప్లికేషన్స్‌ని 140 పోస్టుల కోసం మహిళల నుంచి అందుకుంది. కింగ్‌ సల్మాన్‌, గత ఏడాదే మహిళలు డ్రైవింగ్‌ చేసేలా చారిత్రక నిర్ణయం తీసుకున్నారు. అలాగే గత నెలలోనే తొలిసారిగా మహిళల్ని ఫుట్‌బాల్‌ స్టేడియంలోకి అనుమతించిన సంగతి తెలిసినదే.