చాలా తక్కువ టైమ్ లోనే 50 సినిమాలకు మ్యూజిక్ అందించిన సంగీత దర్శకుడు తమన్. వరుస సినిమాలతో హంగామా చేస్తున్న టైమ్ లో...హిట్స్ లేకపోవడంతో పాటు క్వాలిటీ మ్యూజిక్ ఇవ్వట్లేదనే కామెంట్లతో పోటీలో వెనుకబడిపోయాడు తమన్. కొంత కాలం సైలెంట్ గా ఉన్నా... 2018లో తమన్ హంగామా మళ్ళీ స్టార్ట్ అయ్యింది. వరుసగా సినిమాలు చేసి హిట్స్ ఇవ్వడమే కాదు, లేటెస్ట్ గా ఓ బంపర్ ఆఫర్ కూడా తమన్ చేతికి వచ్చిందట.

తమన్...టాలీవుడ్లో క్రేజీ మ్యూజిక్ డైరెక్టర్స్ లో ఒకరు. ఒక దశలో దేవీశ్రీ ప్రసాద్ కి పోటీగా తమన్ వరుస సినిమాలు చేస్తూ పేరు తెచ్చుకున్నాడు. తక్కువ టైమ్ లోనే 50 సినిమాలు కూడా కంప్లీట్ చేసుకున్న రికార్డ్ తమన్ కి ఉంది. అయితే క్వాలిటీ విషయంలో రాజీ పడుతున్నాడనే విమర్శలతో పాటు, తాను సంగీతం అందించిన సినిమా ఫెయిలవ్వడంతో కొంత కాలం తమన్ హంగామాకి బ్రేక్ పడింది.
సైలెంట్ గా ఉన్న తమన్...ఈ కొత్త సంవత్సరంలో మళ్ళీ జోరు చూపిస్తున్నాడు. ఈ ఏడాది తమన్ ఇప్పటికే రెండు భారీ హిట్స్ అందుకున్నాడు. భాగమతి, తొలిప్రేమతో మళ్ళీ మునుపటి క్రేజ్ ని తెచ్చుకున్న తమన్ కి...లేటెస్ట్ గా ఓ భారీ ప్రాజెక్ట్ దక్కిందట. హారికా అండ్ హాసినీ బ్యానర్లో త్రివిక్రమ్-ఎన్టీఆర్ కాంబినేషన్లో రూపొందే సినిమాకి తమనే మ్యూజిక్ డైరెక్టర్ అంటూ వార్తలు హల్ చల్ చేస్తున్నాయి. నిజానికి ఈ ప్రాజెక్ట్ లో అనిరుథ్ ని ఫిక్స్ చేసినప్పటికీ, ఇప్పుడు ఆ చాన్స్ తమన్ కి వచ్చిందట. చాలా రోజుల తర్వాత తమన్ కి దక్కిన పెద్ద ప్రాజెక్ట్ ఇదే అని చెప్పాలి. ఏది ఏమైనా తమన్ మళ్ళీ స్పీడ్ పెంచి ఆడియన్స్ కి మాంచి కిక్ ఇస్తున్నాడు.