రియాద్‌: మూడు ఎక్స్‌ప్రెస్‌ వేలపై స్పీడ్‌ లిమిట్స్‌ని పెంచుతూ తీసుకున్న నిర్ణయం సోమవారం నుంచి అమల్లోకి వచ్చింది. కార్లకు 140 కిలోమీటర్లు (గంటకి), బస్సులకి 100, ట్రక్కులకి 80 నిర్ణయించినట్లు పబ్లిక్‌ రిలేషన్స్‌ అండ్‌ సెక్యూరిటీ డైరెక్టర్‌ కల్నల్‌ సమి బిన్‌ మొహమ్మద్‌ అల్‌ షువైరిఖ్‌ చెప్పారు. అప్‌డేట్‌ చేసిన రోడ్‌ సైన్స్‌ని ఏర్పాటు చేయడం జరిగిందనీ, వాటికి అనుగుణంగా వాహనదారులు తమ వాహనాల్ని నడపాల్సి ఉంటుందని అధికారులు హెచ్చరికల్ని జారీ చేశారు. రియాద్‌ నుంచి అల్‌ తైఫ్‌ రోడ్‌, రియాద్‌ నుంచి అల్‌ కాసిమ్‌ రోడ్‌ అలాగే మక్కా వెళ్ళే హైవేలపై ఈ స్పీడ్‌ లిమిట్‌ పెంపు జరిగింది. స్పీడ్‌ లిమిట్స్‌ని మోటరిస్టులు అధిగమించరాదని అల్‌ షువైరిఖ్‌ హెచ్చరించారు.