జనరల్‌ డైరెక్టరేట్‌ ఆఫ్‌ రెసిడెన్సీ మరియు ఫారినర్స్‌ ఎఫైర్స్‌ (జిడిఆర్‌ఎఫ్‌ఎ) - దుబాయ్‌ వర్గాలు ఇకపై గుడ్‌ కండక్ట్‌ సర్టిఫికెట్‌ తప్పనిసరి కాదని పేర్కొంటున్నాయి. అయితే దుబాయ్‌లో మాత్రమే ఇది వర్తిస్తుందనీ, యూఏఈలోని ఇతర ఎమిరేట్స్‌లో మాత్రం ఇదివరకటి నిబంధనలే అమల్లో ఉంటాయని తెలుస్తోంది. అల్‌ అమీర్‌ మరియు తస్హీల్‌ సెంటర్స్‌కి జారీ చేసిన నోటీస్‌ ఒకటి వెలుగులోకి వచ్చింది. విజిటర్స్‌ అలాగే రెసిడెంట్స్‌కి వీసా అప్లికేషన్‌ అవసరాల కోసం గుడ్‌ కండక్ట్‌ సర్టిఫికెట్‌ అవసరం లేదని అందులో పేర్కొన్నారు. తదుపరి నోటీసు వచ్చేదాకా ఈ నోటీసు అమల్లో ఉంటుంది.