యూఏఈలో 9,500కి పైగా వాహనాల్ని సాంకేతిక సమస్యల కారణంగా రీకాల్‌ చేశారు. ఇందులో ఫైర్‌కి సంబంధించిన రిస్క్‌ తాలూకు సమస్యలూ ఉన్నాయి. టయోటా వెహికిల్స్‌ డిస్ట్రిబ్యూటర్‌ అయిన అల్‌ ఫుత్తైమ్‌ మోటార్స్‌, 3,332 హిలక్స్‌ మరియు 41 ప్రియుస్‌ వాహనాల్ని ఎయిర్‌ బ్యాగ్‌ సమస్యలతో రీకాల్‌ చేసింది. 2016, 2018 సంవత్సరాలకు చెందిన వాహనాల్ని రీకాల్‌ చేశాస్తున్నట్లు ఆయా సంస్థలు ప్రకటించాయి. జనవరిలో ఈ కంపెనీ సేఫ్టీ బ్యాగ్‌ సమస్య కారణంగా 700,000 వాహనాల్ని రీకాల్‌ చేసింది. అల్‌ తయెర్‌ మోటార్స్‌, ప్రీమియర్‌ మోటార్స్‌ (ల్యాండ్‌ రోవర్‌ డిస్ట్రిబ్యూటర్‌) 11 డిస్కవరీ స్పోర్ట్స్‌, 102 ఎవోక్‌, 52 వెలార్‌ వాహనాల్ని ఫ్యూయల్‌ రైల్‌ రీప్లేస్‌మెంట్‌ కోసం రీకాల్‌ చేశాయి. రీకాల్‌కి సంబంధించి ఆయా డిస్ట్రిబ్యూటర్లు వాహనదారులకు సమాచారం అందిస్తున్నారు.