అప్పుడు మొదటి భార్య.. ఇప్పుడు శ్రీదేవి!

ముంబయి: శ్రీదేవి కన్నా ముందు బోనీ కపూర్‌కు మోనా షౌరీతో వివాహం జరిగింది. ఆ తరువాత కొన్ని కారణాల వల్ల వారిద్దరూ విడిపోయారు. అనంతరం బోనికపూర్‌ శ్రీదేవిని పెళ్లి చేసుకోవడం జరిగిపోయాయి. భర్త లేరనే బాధతో మోనా అనారోగ్యంతో చనిపోయారు. అప్పటికే ఆమె కుమారుడు అర్జున్‌ కపూర్‌ 'ఇషక్‌ జాదే' చిత్రంలో నటిస్తున్నారు. అర్జున్‌ నటించిన మొదటి సినిమా ఇది. అయితే..ఈ చిత్రం 2012 మేలో విడుదల కావాల్సి ఉండగా, అర్జు్‌న్‌ తల్లి మార్చిలో మరణించారు. దాంతో ఆమె తన కుమారుడు నటించిన మొదటి సినిమా చూడలేకపోయారు.

ఇప్పుడు శ్రీదేవి విషయంలోనూ ఇదే జరిగింది. శ్రీదేవి మొదటి కుమార్తె జాన్వి కపూర్‌ ప్రస్తుతం 'ధడక్‌' చిత్రంలో నటిస్తున్నారు. ఈ సినిమా జూన్‌లో విడుదల కావాల్సి ఉంది. శ్రీదేవి సలహాతోనే జాన్వి ఈ సినిమాకు ఒప్పుకొన్నారు. అమ్మ ఉంటేనే ధైర్యంగా షూటింగ్‌ చేస్తాననేవారు. దాంతో ఉదయం నుంచి శ్రీదేవి జాన్వి కోసం సెట్‌లోనే ఉండేవారు. ఈ సినిమాలని ఫస్ట్‌లుక్‌ విడుదలైనప్పుడు జాన్వి..అచ్చం తన తల్లిలాగే ఉన్నారంటూ అభిమానులు మురిసిపోయారు. తొలి సినిమాతో జాన్వికి మంచి గుర్తింపు వస్తుందని ఎన్నోసార్లు చెప్పిన శ్రీదేవి తన కూతురిని తెరపై చూసుకోకుండానే వెళ్లిపోవడం బాధాకరం.