శ్రీదేవి:

ఆమె ఒక భూలోక తార
ఆమెది చందమామని మించిన అందం
అందమైన అమ్మాయిని తనతో కాకుండా
ఆమెతో పోల్చుతుంటే చందమామ అలిగేవాడు! 
ఇప్పుడు ఆ తార ఎగిరిపోయింది-
చంద్రుడికి కూడా కనపడనంత పైకి! 

దేవుడు అర్థంకాడు...
54 ఏళ్లకే ఆగిపోయే గుండెని ఆమెకు పెట్టాడు! 
ప్రశాంతంగా నిద్రపోయిన ఎందరినో నిద్రలేవగానే భయపెట్టాడు!
ఆమెకి సునాయాసమరణం ఇచ్చాడు;
కోట్లాది మందిని భయంతో కుదిపేశాడు! 
ఎప్పుడో పాతికేళ్ల తర్వాత జరగాల్సిన విషయాన్ని
అప్పుడే జరిపించేసాడు! 

అయితేనేం?
బ్రతికుండగానే ఆమెకు హృదయాల్లో గుళ్లు కట్టారు!
కేవలం ఆమె అందానికి కాదు-
ఆమెలోని కళాదేవతకి
ఆమెలోని అమాయకపు నవ్వుకి
ఆమెలోని హుందాతనానికి 
ఆమెలోని అలౌకిక తేజస్సుకి..

ఆమె సశరీరంగా లేకపోతేనేం?

ఈ గడ్డ మీద 
చదువుకి సరస్వతి
సంపదకి లక్ష్మి
శక్తికి పార్వతి లాగ
అందానికి, అభినయానికి దేవత- 
శ్రీదేవి