మస్కట్‌: ఒమన్‌ నేషనల్‌ ట్రాన్స్‌పోర్ట్‌ కంపెనీ మవసలాత్‌, ఒమన్‌లో మరిన్ని కొత్త బస్‌ రూట్స్‌ని ప్రకటించడానికి రంగం సిద్ధం చేస్తోంది. ఈ విషయాన్ని అధికారులు వెల్లడించారు. మస్కట్‌ పరిధిలో 10 కొత్త లైన్స్‌ని ఏర్పాటు చేయనున్నారు. మస్కట్‌తో సలాలా, బురైమి, అద్‌ దుక్మ్‌ మరియు షన్నా ప్రాంతాల్ని కలిపేందుకు కొత్త రూట్స్‌ని కూడా ప్లాన్‌ చేస్తోంది మవసలాత్‌. మినిస్ట్రీ ఆఫ్‌ ట్రాన్స్‌పోర్ట్‌ అండ్‌ కమ్యూనికేషన్స్‌ అండర్‌ సెక్రెటరీ సలీమ్‌ అల్‌ నైమి మాట్లాడుతూ, 2018లో మస్కట్‌తో సలాలా, బురైమి, అద్‌ దుక్మ్‌, షన్నాలను కలిపే కొత్త రూట్స్‌ ప్రారంభించనున్నామని చెప్పారు. 2016తో పోల్చితే, పబ్లిక్‌ ట్రాన్స్‌పోర్ట్‌ సిస్టమ్‌ని వినియోగిస్తోన్నవారి సంఖ్య గణనీయంగా పెరిగిందని ఆయన చెప్పారు. 2017లో మొత్తం 4.5 మిలియన్‌ ప్యాసింజర్లు మవసలాత్‌ని ఆదరించారు. 2016లో ఈ సంఖ్య 3.7 మిలియన్లుగా ఉంది.