పాకిస్థాన్ సార్వత్రిక ఎన్నికల్లో పాకిస్థాన్ తెహ్రీక్-ఇ-ఇన్సాఫ్ (పీటీఐ) చీఫ్ ఇమ్రాన్ ఖాన్ కరాచీ నుంచి పోటీ చేయనున్నారు. కరాచీ అవినీతికి ఆలవాలంగా మారిందని మీడియా సమావేశంలో ఇమ్రాన్ ఆరోపించారు. ట్యాంకర్ మాఫియా వల్ల ప్రజలకు మంచినీరు కూడా దొరకడం లేదని ఆరోపించారు. సార్వత్రిక ఎన్నికల ప్రచారంలో భాగంగా ఇమ్రాన్ ఖాన్ దేశవ్యాప్త పర్యటన చేపట్టనున్నారు. 2013 సార్వత్రిక ఎన్నికల్లో పీటీఐ పోటీ చేసినప్పటికీ గెలవలేకపోయింది.