మక్కాలోని అల్‌ షావ్‌కికియా మునిసిపాలిటీ, 1,200 కిలోల పాడైపోయిన చేపలు, మీట్‌ని స్వాధీనం చేసుకుని, ధ్వసం చేసినట్లు మునిసిపాలిటీ ఛైర్మన్‌ మమ్‌దౌహ్‌ ఇరాకీ చెప్పారు. స్థానిక ఫిష్‌ మార్కెట్‌ నుంచి పెద్ద మొత్తంలో పాడైపోయిన ఫిష్‌ని స్వాధీనం చేసుకున్నామన్నారు. ఆ ఫిష్‌ని స్థానికంగా వున్న రిటెయిల్‌ షాప్‌కి విక్రయిస్తున్నారు. ఇలా తరలించేందుకు వినియోగిస్తున్న మూడు ట్రక్కుల్ని కూడా స్వాధీనం చేసుకున్నారు అధికారులు. మునిసిపాలిటీ, ఇకపై మరింత ఉధృతంగా తనిఖీలను నిర్వహిస్తుందనీ, మనుషులు తినడానికి వీలుగా వుండే ఆహార పదార్థాల్ని మాత్రమే విక్రయించేలా, అందుకు అవకాశం లేని ఆహార పదార్థాల్ని విక్రయించడానికి వీల్లేకుండా చర్యలు తీసుకుంటామని అధికారులు స్పష్టం చేశారు.