జెడ్డా: కింగ్‌డమ్‌లోని 650 కార్‌ రెంటల్‌ ఆఫీసులకు మినిస్ట్రీ ఆఫ్‌ లేబర్‌ అండ్‌ సోషల్‌ డెవలప్‌మెంట్‌ అల్టిమేటం జారీ చేసింది. సౌదీజేషన్‌లో భాగంగా, వలసదారులకు ఉద్యోగాల్ని కల్పించరాదనీ, నిబంధనల్ని ఉల్లంఘిస్తే ఒక్కో వలసకార్మికుడికి 20,000 సౌదీ రియాల్స్‌ చొప్పున కార్‌ రెంటల్‌ ఆఫీసులు జరీమానా చెల్లించాల్సి ఉంటుందని హెచ్చరించింది. కార్‌ రెంటల్‌ ఆఫీసుల్లో సౌదీజేషన్‌ మార్చి 18 నుంచి అమల్లోకి రానుంది. అకౌంట్స్‌, సూపర్‌విజన్‌, సేల్స్‌, డెలివరీ మరియు రిటర్న్‌ విభాగాల్లో ఉద్యోగాల్ని వెంటనే జాతీయం చేయాలని స్పష్టం చేసింది మినిస్ట్రీ. ఎప్పటికప్పుడు తనిఖీలు ఉంటాయనీ, ఎవరు ఉల్లంఘనలకు పాల్పడినా కఠిన చర్యలు తప్పవని తేల్చి చెప్పారు మినిస్ట్రీ అధికారులు.