మస్కట్‌: 388 ఇల్లీగల్‌ మైగ్రెంట్స్‌ని ఒమన్‌లో అరెస్ట్‌ చేయడం జరిగింది. వీరంతా అక్రమంగా దేశంలోకి వచ్చినట్లు పోలీసులు వెల్లడించారు. వివిధ దేశాలకు చెందినవారు ఇందులో ఉన్నారు. డిపార్ట్‌మెంట్‌ ఆఫ్‌ ఇన్‌ట్రూషన్‌ ప్రివెన్షన్‌ - జనరల్‌ డైరెక్టరేట్‌ ఆపరేషన్స్‌ వెల్లడించిన వివరాల ప్రకారం మిలిటరీ మరియు సెక్యూరిటీ ఫోర్సెస్‌, రాయల్‌ ఒమన్‌ పోలీసులు ఫిబ్రవరి నెలలో ఈ ఇల్లీగల్‌ మైగ్రెంట్స్‌ని అరెస్ట్‌ చేసినట్లు తెలుస్తోంది. గణాంకాల ప్రకారం 420 అక్రమ మైగ్రెంట్స్‌ని, చట్టపరమైన చర్యల అనంతరం డిపోర్టేషన్‌ చేశారు. ఆయా దేశాలకు చెందిన ఎంబసీలతో సంప్రదించి ఈ నిర్ణయం తీసుకున్నారు. ఇల్లీగల్‌ మైగ్రెంట్స్‌ విషయమై పౌరులు తమకు సహకరించాలని పోలీసులు విజ్ఞప్తి చేశారు.