బ్రెజిల్‌లో కొన్ని రోజులుగా భారీ వర్షాలు కురుస్తున్నాయి. ఎడతెరపి లేని వర్షాల కారణంగా బెలో హారిజోంటీలో జనజీవనం స్తంభించిపోయింది. లోతైన ప్రాంతాలు నీటమునిగాయి. రోడ్లు నదులను తలపిస్తున్నాయి. వరద నీటికి వాహనాలు, కార్లు కొట్టుకుపోయాయి. గత శుక్రవారం కేవలం 20 నిమిషాల్లోనే 49 మిల్లీమీటర్ల వర్షం కురిసినట్లు నమోదైంది. ఈదురుగాలులతో కూడిన వర్షాలు కురుస్తున్నట్లు స్థానిక మీడియా సమాచారం. ఈ వరదల్లో ఇంతవరకూ ఎలాంటి ప్రాణనష్టం జరగలేదు.