విశాఖ జిల్లాలో నిర్మాణంలో ఉన్న షాపింగ్‌ మాల్‌ బిల్డింగ్‌ కుప్పకూలింది.. గాజువాకలోని సీఎంఆర్‌ షాపింగ్‌ మాల్‌ కు చెందిన బిల్డింగ్‌ శ్లాబ్‌ వర్క్‌ నిర్వహిస్తుండగా ఐరన్‌ జాకీలు తప్పిపోయాయి. దీంతో పైకప్పు ఒక్కసారిగా కుప్పకూలింది.. ప్రమాదంలో కార్మికులకు తీవ్రగాయాలయ్యాయి. ఇద్దరికి చేతులు కాళ్లు విరిగాయి. మరో ఇద్దరి పరిస్థితి విషమంగా ఉంది. అప్రమత్తమైన స్థానికులు వెంటనే వారిని ఆస్పత్రికి తరలించారు. ఎలాంటి ముందస్తు భద్రతా చర్యలు తీసుకోకుండా పనులు చేస్తుండటం వల్లే ప్రమాదం జరిగినట్లు తెలుస్తోంది. అలాగే భద్రతకు సంబంధించిన ఎలాంటి పరికరాలు కార్మికుల దగ్గర లేవు. ప్రమాదంలో ఎనిమిది మంది కార్మికులకు తీవ్ర గాయాలయ్యాయి. ప్రమాదం జరిగిన వెంటనే సీఎంఆర్‌కు సంబంధించిన బోర్డులు తొలగించింది యాజమాన్యం.