మస్కట్‌: ఫోన్‌ కాల్‌ స్కామ్‌కి సంబంధించి ఆరుగురు వలసదారుల్ని యాంటీ క్రైమ్‌ మరియు ఇన్వెస్టిగేషన్‌ ఫోర్సెస్‌ అదుపులోకి తీసుకున్నాయి. పోలీసులు ఈ విషయమై మాట్లాడుతూ, నిందితుల నుంచి మొబైల్‌ ఫోన్లు, సిమ్‌ కార్డ్స్‌, ఇతర కమ్యూనికేషన్‌ డివైజెస్‌ని స్వాధీనం చేసుకున్నామని అన్నారు. రాయల్‌ ఒమన్‌ పోలీస్‌ అధికారి మాట్లాడుతూ, ఇన్వెస్టిగేషన్‌ మరియు యాంటీ క్రైమ్‌ డిపార్ట్‌మెంట్‌ - మస్కట్‌, ఆరుగురు ఆసియా జాతీయుల్ని ఎలక్ట్రానిక్‌ ఫ్రాడ్‌ కేసులో అరెస్ట్‌ చేశామని చెప్పారు. నిందితులు, క్యాష్‌ ప్రైజ్‌ గెలిచారంటూ అమాయకులకు ఫోన్‌ చేసి, వారి నుంచి డబ్బులు దోచుకుంటున్నట్లు పోలీసులు వివరించారు. నిందితులపై చట్ట పరమైన చర్యల నిమిత్తం, వారిని జ్యుడీషియల్‌ అథారిటీస్‌కి అప్పగించారు పోలీసులు.