ప్రత్యేక హోదా ఉద్యమానికి తెలుగు చిత్ర పరిశ్రమ మద్దతు ప్రకటించింది. టాలీవుడ్ ప్రముఖులు విజయవాడ వెళ్లి.. ఉండవల్లిలోని నివాసంలో సీఎం చంద్రబాబును కలిశారు. చంద్రబాబు చేస్తున్న పోరాటానికి బాసటగా నిలుస్తామన్నారు. సినీ నిర్మాతలు అశ్వినీదత్, కేఎల్ నారాయణ, జీకే, కేఎస్ రామారావు, కె.వెంకటేశ్వరరావుతో పాటు రాఘవేంద్రరావు, జెమిని కిరణ్ చంద్రబాబును కలిసి సహకారం అందిస్తామన్నారు. అఖిలపక్షం పిలుపు మేరకు సినీ ప్రముఖులు కూడా నల్లబ్యాడ్జీతో నిరసనలో పాల్గొన్నారు. ఏప్రిల్ 6 వరకు ఇదే తరహా నిరసన తెలుపుతామని చెప్పారు.