అజ్మన్‌ సిటీ సెంటర్‌లో చిన్నపాటి అగ్ని ప్రమాదం సంభవించింది. ప్రమాదం గురించిన సమాచారం బయటకు రాగానే, అజ్మన్‌ సిటీ సెంటర్‌ నుంచి వందలాదిమంది షాపర్స్‌ని ఖాళీ చేయించారు. అజ్మన్‌ సివిల్‌ డిఫెన్స్‌, ఫైర్‌ ఫైటర్స్‌ని సంఘటనా స్థలానికి పంపించింది. సెక్యూరిటీ ఆఫీసర్లు, షాపర్స్‌ అలాగే షాప్‌ కీపర్స్‌ని ఖాళీ చేయించడంలో సహకరించారు. ఫైర్‌ ఫైటర్స్‌, అగ్ని కీలల్ని సకాలంలో అదుపు చేశారు. పూర్తిస్థాయిలో పరిస్థితి అదుపులోకి వచ్చాక షాపర్స్‌నీ, షాప్‌ కీపర్స్‌నీ సెంటర్‌లోకి అనుమతించారు. ఎలక్ట్రిక్‌ షార్ట్‌ సర్క్యూట్‌ ఈ ప్రమాదానికి కారణమని పోలీసులు తెలిపారు.