మస్కట్‌: పీనల్‌ అపీల్‌ కోర్ట్‌, అరేబియన్‌ డీర్‌ని వేటాడిన కేసులో నిందితులుకి జైలు శిక్ష విధించింది. విలాయత్‌ ఆఫ్‌ అమెరాత్‌లోని అల్‌ సరీన్‌ నేచుర్‌ రిజర్వ్‌లో జింకను వేటాడినట్లు నిందితులపై అభియోగాలు మోపబడ్డాయి. నిందితులకు ఆరు నెలల జైలు శిక్షను న్యాయస్థానం ఖరారు చేసింది. ఈ కేసులో తొలి నిందితుడికి అదనంగా మరో నెల రోజుల జైలు శిక్షను న్యాయస్థానం విధించింది. లైసెన్స్‌ లేకుండా డ్రైవింగ్‌ చేయడం, అలాగే లైసెన్స్‌ లేకుండా గన్‌ కలిగి వుండడం అనే అభియోగాలు ఈయనపై మోపబడ్డాయి. నేచురల్‌ లైఫ్‌ కంట్రోల్‌ డిపార్ట్‌మెంట్‌ పెట్రోల్స్‌, అల్‌ సరీన్‌ నేచుర్‌ రిజర్వ్‌లో అరేబియన్‌ డీర్‌ని వేటాడినట్లు గుర్తించాయి. వెంటనే రాయల్‌ ఒమన్‌ పోలీస్‌కి సమాచారం అందించగా, నిందితుల్ని అరెస్ట్‌ చేశారు. నిందితుల నుంచి కత్తినీ, గన్‌నీ, ఓ బ్యాగ్‌నీ స్వాధీనం చేసుకన్నారు పోలీసులు.