సౌదీ అరేబియా: చీమకుట్టి మహిళ చనిపోయిన ఘటన సౌదీ అరేబియాలో చోటుచేసుకుంది. విషపూరితమైన చీమ కుట్టడం వల్ల సౌదీ అరేబియాలో ఓ మహిళ మృతి చెందింది. నమ్మశక్యంగా లేకున్నా ఇది నిజం. ప్రాణాలు కోల్పోయింది మన దేశంలోని కేరళ రాష్ట్రానకి చెందిన మహిళే. కేరళకు చెందిన సూసీ జెఫ్పీ అనే 36ఏళ్ల మహిళ కొంతకాలంగా సౌదీలో ఉంటున్నారు. ఆమె కుటుంబ సభ్యులు తెలిపిన వివరాల ప్రకారం.. మార్చి 19న ఆమె ఇంట్లో ఉండగా ఏదో కుట్టినట్లు అనిపించందని తన భర్త జెఫ్పీ మాథ్యూకు చెప్పింది.

చుట్టుపక్కన చీమను గుర్తించిన మాథ్యూ దాన్ని అక్కడి నుంచి తీసి బయట పడేశారు. వెంటనే ఆమె శరీరం వాపు రావడం, శ్వాస తీసుకోవడంలో ఇబ్బందులు తలెత్తడంతో ఆసుపత్రికి తరలించారు. శరీరంపై అలర్జీ ఎక్కువ కావడంతో ఐసీయూలో ఉంచి ప్రత్యేక చికిత్సను అందించారు. తీవ్రంగా కృషి చేసిన వైద్యులు ఆమె ప్రాణాలు కాపాడలేకపోయారు. ఐతే ఆమె మృతికి గల కారణాలు తెలుసుకునేందుకు ప్రయత్నిస్తున్నామని డాక్టర్లు చెబుతున్నారు.